Kulan Is Xogwaraysi Oo Dhex Maray Shaqaalaha Wasaaradda iyo Wasiirka

Wasiirka wasaaradda Kalluumeysiga iyo Kheyraadka Badda ee Xukuumadda Federaalka Soomaaliya mudane Cabdullahi Bidhaan Warsame ayaa maanta kulan la qaatay shaqaalaha wasaaradda kulankaas oo ka qabsoomay xarunta wasaaradda  .

Kulanka ayaa waxaa ka qaybgalay agaasimaha guud ee wasaaradda , agaasima waaxeeyada , madax qaybeedyada iyo dhamaan shaqaalaha oo idil , waxaana inta uu socday kulanku su’aalo , aragtiyo iyo talo soo jeedin la isku dhaafsaday .

“ Waxyaabaha diirada la saaray waxaa ugu muhiimsanaa sidii shaqaalaha awoodooda iyo wacyigooda shaqo kor loogu qaadi lahaa , waxa kale oo isu imaatan kamid ahaa shaqaale ka tirsan wasaaradda oo 20tan gaaraya oo berito safar ugu baxaya dalka Shiinaha kuwaas oo la soo tababarayo wasaaraadda sagootintooda “ waxa yiri  Wasiir Bidhaan .

Ugu danbayntii kulanka ayaa waxaa soo afmeeray Wasiir Bidhaan isagoona Howlwadeenada Wasaaraadda iyo madaxdaba kula dardaarmay in si wadajira loogu adeego Qaranka  iyadoona kulanku  uu ku soo dhamaaday jawi farxadeed  .

MEDIA OFFICE -MFMR