Wasaaradda Kalluumeysiga oo Xustay Maalinta Badaha Adduunka + Sawirro

Wasaaradda Kalluumeysiga iyo Kheyraadka Badda  iyo Wasaaradda Dekadaha & Gadiidka Badda ee Dowladda Federaalka Soomaaliya ayaa Maanta xusay  munaasabadda Maalinta Badaha Aduunka ee 8-da June oo lagu qabtay Magaaladda Muqdisho.

Munaasabadda oo uu ka soo qayb galay Ra’iisul Wasaare ku-xigeenka Soomaaliya  mudane  Mahdi Maxamed Guuleed (Khadar)  ayaa intii lagu gudo jiray waxaa bar-bar socday olole lagu nadiifinayo Xeebaha Dalka oo laga sameeyay qaybo kamid ah Xeebta Caasimadda Muqdisho.

Wasiirka Wasaaradda Kalluumeysiga & Kheyraadka Badda Mudane Cabdullaahi Bidhaan Warsame  ayaa warbixin kooban ka siisay Ra’iisul Wasaare ku-xigeenka Dalka munaasabadda xuska oo lagu maamuusay qashin saarka Xeebaha .

Mudane Ra’iisul Wasaare ku-xigeenka  ayaa sheegay in Badda dheer ee Soomaaliya ay qeyb ka tahay ilaha dhaqaale ee ugu wayn Dalka, ayna muhiim tahay in laga shaqeeyo hagaajinteeda, si Ummadda Soomaaliyeed ay uga Faa’iidaysato .

MFMR – MEDIA  OFFICE